b.b.b.b palace: 食‧茶餐廳

Showing posts with label 食‧茶餐廳. Show all posts

Saturday, 11 April 2020

外賣🥡 @ 一風堂、羅麥記

日期: 20 March 2020

農曆新年過後都未有在餐廳食過飯😣，除了食過一次麥當勞的將軍漢堡和公司的外賣飯盒，實在太悶，加上有$50商場美食卷要用，所以這天晚飯決定食外賣🥡。

選了食 一風堂，新出了外賣menu，而且有8折，但原來外賣不能用美食卷 😒。點了 明太子沾麵🍜，還有餃子🥟給小寶，小寶很興奮，還食了很多麵，猛讚好味😋。

日期: 26 March 2020

小寶嘈了兩天要食一風堂，於是又買外賣🥡，為了用到美食卷，加上上次給小寶吃了半碗麵不夠飽，就加多份 羅麥記 的 蝦多士🍤。蝦多士用厚麵包炸，很鬆軟，配上我至愛的他他醬，正呀😋。

Wednesday, 18 March 2020

[小寶 @ 7歲] 爺爺嫲嫲家的生日會

名稱: 祥香園茶餐廳
地址: 西環堅尼地城卑路乍街107號

小寶生日當然要跟爺爺嫲嫲切下蛋糕啦 🥳 。中午先外出食午餐補祝小寶生日和提早團年，然後再上嫲嫲家切蛋糕。但因為種種原因，沒有預先訂定蛋糕，於是姑姐先帶小寶去嫲嫲家玩，我和爸爸就去買蛋糕🎂。難得沒有小寶同行，可以去久違了的祥香嘆杯奶茶和蛋撻 🤣。

最後在東海堂買了 沖繩紫薯蛋糕，再插上預先準備好的小學生勞作裝飾🤣，繼續是Mario和7️⃣字蠟燭。兩個小朋友繼續要爭吹蠟燭，爭玩氣球，吵吵鬧鬧下過完了7歲生日最後的慶祝活動。

Friday, 28 February 2020

外賣午餐 @ 我杯茶

日期: 12 December 2019
地址: 灣仔春園街6號永興樓地下

趁lunch time去了灣仔街市附近買東西，順便在我杯茶買個外賣午餐回公司食，本來點了 沙爹鮮牛肉治🥪 和 熱奶茶☕️，怎知一打開竟然是蛋治🥚，亦不知是我拿錯還是店員搞錯 😤，我還加了$2烘底，白白蝕了$9 😫，雖然蛋治的味道還不錯。

Monday, 12 March 2018

Light Breakfast @ 聯發茶餐廳

日期: 04 February 2018
地址: 九龍城侯王道2-4號地下1號舖

又要上英文堂，又和爸爸來了九龍城消磨時間。可能因為天寒地凍，少了人落街食早餐，聯發竟然有位，於是爸爸就想食個早餐，因為之後還要和爺爺嫲嫲吃午飯，於是只點了個 🍴特餐（$58）🍴再加多杯 ☕️奶茶☕️ share。

Thursday, 25 January 2018

[4Y 11.5M] "一家三口" Lunch @ 華嫂冰室，BBQ @ 雋園火鍋

日期: 01 January 2018

地址: 灣仔謝斐道272號杜智臺地下3-4號舖

一直在想午餐食什麼，築地不適合小寶，忽然想起華嫂冰室，平時Lunch Time都企滿人等位，心想這天是紅日，少了返工一族，應該不會那麼多人啩，答案當然是錯，一樣多人，但流量快，其實只等了大約10-15分鐘就有位。

招牌菠蘿包夾的是番茄煎蛋，不是我杯茶，就點了 🌯招牌芝士鹹牛肉蛋朱仔包🌯 和 🥤樽仔凍奶茶🥤，朱仔包夠熱夠脆，而且餡料份量十足，但奶茶就一般，還是太興的夠濃。另外點了 🍴煎蛋魚片頭通粉🍴給小寶，爸爸就點了 🍴炸雞球配出前一丁🍴和 ☕️熱奶茶☕️，都是一般茶餐廳水準。這間華嫂似乎名過於實，要山長水遠入元朗總店食就更不必。

名稱: 雋園火鍋
地址: 北角寶馬山道45號賽西湖商場13號舖

之後就出發去賽西湖，因為約了爸爸的朋友BBQ。一早已食飽，所以主力玩。隔離枱的客人帶了隻狗 🐕 叫 Cookie，小寶很喜歡，猛跟Cookie玩。之後又跟爸爸朋友的小朋友玩冰桶裡的冰水 🙈，再在外面踩單車🚲和跑，十分高興。

Wednesday, 18 October 2017

Lunch @ 祥興咖啡室

日期: 08 October 2017

地址: 跑馬地奕蔭街9-11號地下

忽然有事和老公來了跑馬地，去了這間祥興吃午餐。

點了 🍜超級餐蛋麵（$59）🍜，有招牌蛋牛、香煎太陽蛋🍳、肥豬仔餐肉、出前一丁，很貴但很普通，而且湯底不夠濃。🍔沙爹牛肉菠蘿包（$39）🍔，菠蘿包夠熱夠脆，好味。加了 $5 點 ☕️樽仔奶茶☕️，茶味夠而且不太甜，不錯啊。

Monday, 20 February 2017

掃街 @ 深水埗

日期: 13 January 2017

本來打算去觀塘買氣球給小寶，但遇上大塞車，就改為去深水埗。順道吃晚餐，最後決定掃街 😋。

名稱: 合益泰小食

地址: 深水埗桂林街121號地下

首站是食腸粉，第一次堂食，地方實在🙈。點了大腸粉、燒賣、辣魚蛋，盛惠$28。腸粉當然無敵，跟早餐食開的實在相差太遠。燒賣以為是魚肉，原來是茶樓燒賣，有驚喜。

名稱: 新香園 (堅記)

地址: 深水埗桂林街38號A地下

再行多陣，意外地見到另一名物～蛋牛治，原來在同一條街。

點了醬爆貢丸粗麵（忘記影相，餐牌寫醬爆，雖然真身沒有，但好好味，不似一般食開的）、蛋牛治烘底（可能現整，所以等得蠻耐，熱辣辣上枱，多士中間夾的是新鮮免治牛肉煎蛋，似奄列，正 😋）、凍奶茶，盛惠$56。

Monday, 11 January 2016

Tea @ 聯發茶餐廳

日期: 12 December 2015
地址: 九龍城侯王道2-4號地下1號舖

這天下午要到學校S為小寶註冊，之後偷了少少時間去了轉九龍城。

先去聯發吃個下午茶，叫了「常餐」有沙爹牛肉出前一丁（第一次見改出前一丁不用加錢）、炒蛋火腿多士、熱奶茶，和「下午茶餐」西多士、紅豆冰。

真材實料但很貴的茶餐廳。

Monday, 23 March 2015

Tea @ 華樂冰室

日期: 08 March 2015

地址: 上環蘇豪東街18號

新年後的指定活動~拜神，最後一站是文武廟。

完成後順道去附近的「華樂冰室」吃個下午茶。以前有一段時間很喜歡來這裡，很欣賞他們的午餐，比一般茶餐廳特別。

除了有一般的湯麵，還有「乾炒意粉」，可配豬扒/雞翼，或是腸仔/餐肉/火腿，正大讚好吃時，送來的第二碟卻淺色了，果然較淡味。

除了配搭雞蛋麵包，更可配各式多士，當然點至愛的「奶醬多」。凍檸茶亦正，而且聽話，點了少冰就真的很少冰。

Wednesday, 6 August 2014

日期: 13 July 2014
地址: 西環堅尼地城卑路乍街107號

是日活動是去迪士尼，為方便出發，前一晚沒有帶小寶回家，於是趁機先跟老公來到這舊式茶餐廳吃午餐。小寶未出世前，間中也會來這裡，但小寶出世後，根本沒可能帶他一同前來。

每一次來都是點特餐，有沙爹牛肉麵、炒蛋火腿餐包，跟熱奶茶，最欣賞是沙爹牛肉麵，麵身爽口，沙爹味濃，反而奶茶只是一般。餐後再加一人一件蛋撻作甜品。

吃飽就接小寶出發去迪士尼啦...

Monday, 5 December 2011

Dinner @ 美都餐室

日期: 21 November 2011
地址: 油麻地廟街63號地下

本來想食煲仔飯, 但係好多人, 於是試下呢間舊式餐室...

晚飯時間都係一般茶餐廳既款式, 叫左焗豬扒飯, 同咖哩魚柳飯, 再加杯熱奶茶, 不過...

除左地方懷舊之外, 飯相當一般, 而奶茶亦唔惦, 無茶味亦無奶味... 冰室我地都係欣賞上環既華樂冰室...

Friday, 10 June 2011

Lunch @ 港土茶記

日期: 21 May 2011
地址: 中環皇后大道中139號L Place地下

係雜誌見到徐蒝開左間高級茶餐廳, 認識徐蒝係因為Now既Cooking Mama, 貪得意走去試下... 餐廳主打音樂蛋同自制午餐肉, 就叫左個餐蛋麵, 叉燒煎蛋飯同熱奶茶...

恕我味覺敏感度不足, 實在食唔出音樂蛋同普遍蛋有乜分別, 不過自制午餐肉就食得出同正常既有好大分別, 因為完全唔似, 兼唔好食, 仲要成$68一碗...

有時都係跟番傳統無益先好食... 改到不倫不類, 不如創新好過... 呢間野試過一次就夠...

Thursday, 21 October 2010

Brunch @ 北海道牧場餐廳

日期: 16 October 2010
地址: 中環靈頓街33號The Loop 8樓

有事晨早流流就落左中環, 於是又去左一間人氣店~北海道牧場餐廳試下 (之前Lunch time時段黎過非常多人, 呢日咁早實無人)

叫左兩個"北海道早餐" ($28), 都係一般茶餐款式... 主力又係sell北海道牛奶...

自從一間澳洲牛奶公司成功之後, 坊間越開越多呢類型既茶餐廳... 呢間相比起經常食既華星冰室, 水準都一樣好...