[6Y 1M] 和契媽一家短聚

日期: 16 February 2019 

契媽一家剛好去我們家附近拜年，趁下午有空檔，所以上了我們家聚聚，可惜晚上我要去公司的Annual Dinner，不能一起食晚飯。

有一段時間沒有見到恩恩，精乖伶俐又重磅了很多 🥰。契媽還很客氣地在 Chateraise 買了個 朱古力蛋糕🍫上來，小朋友見到蛋糕，當然又要吹蠟燭 🎂 😂。蛋糕很好味，尤其不愛吃蛋糕的小寶都吃掉了。期待下次再聚。

[4Y 3.5M] BBQ Gathering @ 白石燒烤

日期: 30 April 2017
地址: 新界馬鞍山白石第1950 號

爸爸朋友安排了燒烤聚會，地點是 白石燒烤。當日天氣很好，有風又不太熱，望著吐露港，環境優美。

燒烤不適合小寶吃，於是在家餵飽了他才出發，結果兩點多才到達，人家已燒了一大半 😅。朋友訂的是獨立BBQ屋，屋內有冷氣，又有電視 📺、麻雀、飛鏢🎯等娛樂。

原本當天是有充氣彈床嘉年華，但怎知變了水上樂園，當然不能玩啦。見入口處有個充氣彈床，但原來是私人訂了，結果跳彈床夢碎。還好我們帶了單車🚲 和 scooter🛴 ，之後見到有小朋友玩 嘭嘭炮，小寶非常喜歡，原來士多有得賣，$35，就買一支給他，玩得不亦樂乎。

[4Y 3M] Happy Easter Gathering @ 契媽家

日期: 16 April 2017 

復活節的4天紅日假期沒有特別安排外出玩，因為要為過幾天的旅行養精蓄銳 😆。其中一晚就去了契媽家玩。先有手信 🍓士多啤梨Muffins🍓。

契爸準備了 🍴靚湯🍴 和 🍴海鮮炒烏冬🍴（有新鮮蝦和魷魚，正👍🏻），契媽見我前一天整的 🍴韓式壽司🍴，提議encore，但契爸要炒烏冬，契媽要陪小朋友玩，結果由本打算翹埋手等食的我卷 😂。

餐後還有特別要求試的 🍴雞蛋仔🍴，契爸整了阿華田味，越來越厲害👏🏻👏🏻。

小寶這天吃飯比上一次乖，但可能連續兩天吃，壽司沒有前一天吃的多，又吃了差不多兩碗烏冬和飲了湯。其間恩恩喊了幾次，小寶會叫恩恩唔好喊，又懂得拿紙巾遞給恩恩，第一次見小寶安慰人，很驚喜 😍。

賀雞 🐥 年 ~ 年初四

日期: 31 January 2017

午餐：番薯煮肉碎、蒜蓉炒菠菜、白飯🍚

新年期間在青衣體育會運動場有一個叫 恩聯「慶十載。迎新春」的親子嘉年華，有充氣跳彈床、撑艇仔玩，地點就在契媽家附近，於是就不如先帶小寶去玩玩（恩恩不好跳彈床），再上契媽家拜年。

又日上三竿才出發，4點才到達。立即買遊戲票玩（$160的套票已包四個$50 遊戲加一個$10 的遊戲）。

本來想玩 電動小賽艇，但實在太長龍，唯有改排 撑艇仔，又和爸爸分道揚鑣，一人排一個，他排對面的 海洋堡壘 彈床。之後到 花花世界 彈床，玩完又想再玩，但實在太BB啦，於是叫他玩後面的 深海世界，但扭計王忽然上身😳，堅持要再玩 花花世界，唯有軟硬兼施抱他去看看，再解釋怎樣好玩，終於被我說服肯排隊玩，玩了第一次後當然上癮 😏，要求再玩，於是又買多set套票 🤑，加上已經不用排隊，如是者連玩了5次 🙈，已經到6pm的關門時間，趕不及玩$10的遊戲，就送給恩恩第二天來玩。

之後就上契媽家，契媽已安排了豐富的晚餐，除了外賣 壽司🍣 和 Pizza🍕，還有契爸湛師傅主理的 粟米魚肚羹 和 炸雞配BBQ汁（原來雞翼完全不用醃，只需加麵粉拌勻焗，就有炸的效果，簡單配現成的BBQ汁已經好好味）。

契爸另外煮了兒童餐給小朋友，但小寶吃了少許通粉後，扭計王又上身了 😪，結果要契媽出手餵，真失禮 😓。

Anyway 多謝契爸契媽恩恩的熱情款待。

PS. 這天的手信是 限量版印模牛油曲奇，契媽大讚好味，雖然包裝似蛋撻 😐。稍後再開一篇介紹。

[X'mas in 2o16] X'mas eve @ 契媽家

日期: 24 December 2016

一早約了恩媽一家在這天聚會，可是行程意外地改了又改，最終由我家煮飯變成在契媽家叫pizza食。

和小寶上完堂就直接去青衣，可是契媽還未得，我們就在青衣城行行等她。行下望下聖誕佈置，之後竟然見到有車車玩，$5/1次，玩完1次還想再玩，剛好沒有零錢，還不信要「俾我睇下」😏，幸好樓下商場沒有這類型車 😅。

近日去街每逢4-5pm，小寶就會嗌「好肚餓，要食下午茶」，這天亦是，但大時大節，餐廳都沒有提供Tea set，唯有去McCafe，因為有 Macaron，我又需要杯咖啡叉叉電。

之後契媽都來到，就一起去東海堂買蛋糕作甜品，再上契媽屋企。

之前恩恩會有點抗拒小寶的［熱情］，這次兩位小朋友玩得很［和平］，小寶在陌生環境下都收斂了一點他的［活躍］🤣。

契媽一早已order了Pizza Hut的套餐，特別要求點 了小寶喜歡的 海鮮闊條麵，小寶見到恩恩的筷子，竟然要求用，然後自己乖乖用筷子食了兩碗闊條麵 😱，果然在陌生地方特別乖 😂，因為暫時來說就只此一次 😭。

多謝契媽契爸恩恩的熱情款待，已約定下星期換來我家玩 😆。

[34 months] Fun Day + 翡翠拉麵小籠包

日期: 22 November 2015

契媽公司搞Fan Day，有飛多，於是兩家人齊齊去。

入場時送了一袋禮物，有餅、樽裝水、headphone、燈。又包午餐、雪糕、小食。午餐有中西素食，款式都不錯，還有甜品、汽水，超級豐富。

食完就把握時間去看看有什麼玩，target當然是充氣遊戲，但這邊幾個都太高啦，再行行，原來另一邊還有三個。本來打算狂玩最輕巧的那個，玩完兩次後，爸爸提議玩旁邊那個，是一個比較高的滑梯，而我可以陪他玩，我也是第一次玩充氣滑梯，其實都蠻高，蠻刺激，小寶就超級興奮。

一不做二不休，玩埋第三個最高的滑梯。排到時才知我不能陪，本來想叫他淨跳，但見他走呀走已經爬上滑梯，再一直爬呀爬呀，終於上到去，然後自己滑下來，原來他是可以的，真勇敢。想再玩多次，就夠鐘完啦。

名稱: 翡翠拉麵小籠包
地址: 灣仔莊士敦道181號大有廣場3樓310舖

不經不覺已經七點，契媽提議吃附近的「翡翠拉麵」，造就第二次全外食。

點了他近來很喜歡的「菜肉雲吞麵」，全部自己畢，吃了四隻雲吞和差不多兩碗麵。

是日Fun Day真好玩，希望出年有機會再去。。。。。

[自煮派對VIII] 西式盛宴

日期: 26 May 2012

發左毛兩個月既blog, 係時候要update下啦... 

又係自煮派對... 今次係西菜, 因為朋友仔點名要食羊架...

是日Menu

迷迭香芥末煎羊架

怕原條入焗爐唔知要焗幾耐, 於是叫左老闆切開一件件, 

採用先煎後焗既形式, 當堂易掌握好多...

香煎薄牛排

買羊架時, 覺得比較細份, 見薄牛排好似唔錯, 又平, 於是買左4塊加料, 

不過其實end up唔買牛排都夠食有餘...

又有蝦碌場面, 牛排同羊架放左入焗爐之後, 大家都掛住整意粉, 完全唔記得左拎番出黎, 

羊架厚身當然還可以, 而薄牛排雖然味道ok不過就變成牛肉乾啦...

煙肉橄欖油車厘茄意粉

呢款意粉清清地又容易整, 不過用錯工具拌勻, 結果意粉都整到碎晒...

菠菜鮮冬菇

又係朋友仔點名既配菜...

Menu看似簡單, 最終都要2小時先完成... 

甜品有朋友仔買來的Dreyer's雪糕...

大澳半日遊 + 打邊爐

日期: 07 April 2012

竟然漏左篇大澳之旅未寫, 俾朋友仔催添...

趁復活節長假, 同朋友仔一行4人去大澳半日遊...

可能因為長假期關係, 雖然3點幾先去到東涌, 但係去大澳既巴士站依然大排長龍... 好在巴士都有好多, 所以都好快上到車...

經過大半個鐘車程, 終於都到啦... 不過一轉入去永安街, 嘩... 人山人海到, 直頭係水洩不通, 真誇張...

[自煮派對VII] 五餸一湯 ~ 白飯任裝

日期: 14 April 2012

又係自煮派對... 今次全中菜, 豬牛雞蝦樣樣有齊... 好豐富呀... 最終更要3爐齊用先可以以最快速度上菜...



紅蘿蔔粟米海底椰煲西施骨
勁想再煲湯, 無買湯包, 於是問完媽媽後, 就用1條紅蘿蔔, 2條粟米, 1包海底椰, 再加$60西施骨煲... 用LC 32"煲, 都有6碗...

瑞士雞翼
原先諗住用蠔油炆, 忽然醒起"可樂雞翼汁", 不過樓下超市只得瑞士汁, 照殺... 2磅雞翼, 落晒成支, 不過太咸, 落半支就應該啱啱好...

煎釀冬菇豆腐卜
老友提議既, 分別將冬菇釀豬肉, 豆腐卜釀蝦膠, 蝦膠係係Taste買來現成的, 好好味呀...

蒜片煎牛肋條
又係老友提議兼主理... 正...

炒豆腐卜粉絲
臨時加既"半個餸", 因為豆腐卜買多左, 於是將本來用來墊釀冬菇底既粉絲另外炒... 唔好浪費嘛...

蝦醬唐生菜
問菜檔老闆唐生菜好定通菜好, 老闆答唐生菜... 於是就蝦醬唐生菜..



附上製作圖:

2011 除夕 自煮紅綠小派對

日期: 31 December 2011 

過程越來越有進步, 很少蝦碌, 雖然又要九點才能開餐, 和有少少瑕疵...

紅紅綠綠好豐富呀... 

西蘭花湯

一直以為忌廉是令湯杰身, 見blend完後已經很杰, 所以沒有加...
怎知原來不是, 加忌廉/鮮奶一起煮才會像湯, 不會像糊仔,
可惜發現得遲, 這個依然是像糊仔...

普羅旺斯式烤羊架

這款做法的特式是在羊架外鋪上一層麵包糠、橄欖油和香草來焗, 

可是大懵的我竟然忘記了落最重要的橄欖油, 怪不得一切脆皮就散晒... 

不過整體上都好好食, 連麻麻地羊的朋友仔都話唔"羶"...

椒鹽雞翼

朋友仔話想食雞翼, 於是少少地整了十隻, 簡單又美味...

茄汁長通粉配蘆筍芝士腸

蘆筍應該最後才加會比較好, 太早加結果太淋, 大家都不是太欣賞...

仲有朋友仔買來的三文魚刺身和中華沙律...

當然少不了甜品... Strawberry Chocolate Tarts... 

用聖誕曲奇的剩餘物資制成, 好好味, 還用朱古力粉做了少少裝飾... 

Happy New Year 2012... YEAHHHHH!!!!

[自煮派對V] 中菜 生日派對

日期: 26 November 2011 

朋友仔提議玩煮飯仔, 好快就決定好菜單, 款式都係朋友仔揀...

牛油焗三文魚 

新嘗試, 食譜寫180c 焗10分鐘, 結果要焗成30分鐘至熟... 不過出奇地唔鞋口, 仲好嫩滑... 

冬菇肉鬆蒸布包豆腐

老友點明要整...

 

焗煮菜心

當然要有綠色食物, 不過因為要等碟三文魚, 結果"黃"晒...

稻荷香飯 

又係朋友仔要求, 為左省時, 只整飯, 唔用腐皮, 不過今次又好似唔係好夠味...

順便同老公預祝生日... 多謝晒朋友仔既蛋糕...

Mini魔鬼蛋糕, 好味, 不過實在係太多cream啦...

飯後, 仲整唧花曲奇, 為聖誕做testing, 今次揀選既食譜係無蛋, 可惜勁瀉身, 完全唔惦, 相都費事影...

唔知係技術問題, 定係食譜問題, 下次要再試另一個...

唔經唔覺, 又過左一個愉快既晚上...

[自煮派對IV] 腐竹雞蛋糖水

日期: 08 October 2011

飯後又煲腐竹雞蛋糖水, 不過今次腐竹無乜溶, 差少少...

[自煮派對IV] 即興 沙爹一品鍋

日期: 08 October 2011

同朋友仔whatsapp大家夜晚有乜搞作, 傾下傾下不如上黎食飯... 上左癮... 因為已經4點幾, 費事10點都無得食, 於是朋友仔提議火鍋, 但係我依然未有爐, 於是就變成"一品鍋"...

終於可以原個32"LC上枱, 不過4個人就ok, 兩個人依然太大...

用李錦記既沙爹湯底(不過個煲太大, 淨係落1包唔夠味), 再加烏冬、紹菜、豬肉、牛肉、貢丸、豆腐、金菇、雞脾菇... 好豐富呀, 可是最終眼闊肚窄, 第2日Lunch又有著落...

 

食完飯又再煲腐竹雞蛋糖水... 

[自煮派對III] 和式盛宴

日期: 24 September 2011

第3次的自煮派對, 主題是Japanese... 雖然4點幾已經開始煮, 但是都要9點先可以食...

有兩款前菜和兩款主菜, 前菜位上, 主菜就用新買的方形碟上, 無論presentation跟味道都很滿意...

~前菜~芝麻醬涼拌菠菜

上年在日本買了一樽大村屋的白芝麻醬, 起初味道調校得比較奇怪, 經姐妹提議加麻油, 又好很多... 可惜上菜時忘記灑上芝麻, 否則賣相會更好...

日式馬鈴薯甘筍蛋沙律

原食譜有加入牛油鮮奶, 但是由於時間關係都省略掉, 只落了沙律醬撈, 也很好食...

~主菜~稻荷壽司

上年平安夜是用已入味的腐皮, 今次就自己調校醬汁, 很有滿足感... 不過似乎大隻了一點...

日式漢堡扒

第一次整漢堡扒, 最擔心中間部份未熟, 幸好預多份量, 可以切開煎得不太漂亮的那一塊看看, 果真如此, 唯有不斷加水再焗焗焗... 最後淋上用浸腐皮剩下的醬汁煮成的sauce, 一汁三用, 一點也不浪費...

完成晒, 大家都好有滿足感, 已經約定每月一聚...

西式, 日式都整過, 下次就整中式啦...

[自煮派對II] 腐竹雞蛋糖水

日期: 22 January 2011 

老友提議飯後甜品不如煲糖水... 天寒地凍, Good Idea...

揀左最簡單快捷既~腐竹雞蛋糖水, 加蛋花instead of 一隻烚蛋, 無咁濟...

落足料, 俾十個正...