[6Y 5M] Happy Father's Day ~ 禮物，午餐 @ 牛角

日期: 16 June 2019

先有小寶在學校🏫整的父親節禮物🎁，有手錶勞作⌚️、心意卡💌、工作紙📃。

名稱: 牛角日本燒肉專門店 
地址: 大角咀海庭道18號奧海城二期1樓128A號舖

再有簡單的燒肉午餐，因為媽媽我懶煮飯 🤣。

燒肉放題 with 恩媽 @ 牛太，CREMIA軟雪糕 @ 零食物語

日期: 08 May 2019

名稱: 牛太 
地址: 荃灣楊屋道1號荃新天地地下G48& G50號舖

恩媽介紹食燒肉放題，原來由荃灣港鐵站有超級天橋連接到荃新天地，下雨天亦不是問題。

點了 華美清馥燒肉放題，$288/100分鐘，73款無限量任點，除了各式各樣的肉類、海鮮，還有韓式熟食，用平板落單，快捷又環保。平時總是分不清那種肉，這次嘗試用醬汁去分，結果勝出者是「牛脊肉」。最後每人有一杯movenpick雪糕🍨，更少有地過了鐘亦沒有趕我們走，可以慢慢嘆，可能因為無乜客。

燒肉

熟食和甜品

名稱: 零食物語 

地址: 荃灣楊屋道1號荃新天地1期地下UG56號舖

雖然已食了雪糕，但行完Uniqlo後經過，見原來香港已經有朱古力味的CREMIA軟雪糕🍦，又口痕一人一杯作完美總結。

宵夜 @ 堅韓牛 韓燒火鍋雙放題

日期: 05 April 2019
地址: 旺角彌敦道726號16樓

是日晚上和姨媽有事要外出，爸爸就帶小寶去跟嫲嫲食飯 😅。辨完正事後已差不多9pm，大條道理去食宵夜 😝，姨媽提議打邊爐或是韓燒，最後選了這間兩樣都有得食。燒完肉就轉打火鍋，烚些蔬菜中和一下，是不錯的選擇，因為烚菜比燒菜好味。

[小寶 @ 6歲] Family Lunch @ 鐵板燒海賀

日期: 19 January 2019
地址: 尖沙咀彌敦道100號The ONE 19樓

小寶的生日飯，左揀右揀，終於揀了鐵板燒，扑鎚 海賀，但原來而家weekend已經沒有提供跟Harlen’s share的頭盤Buffet。而小寶還記得家姐生日就是來隔離的Harlen's食。

揀海賀其中一個原因是因為除了鐵板燒外，Lunch Menu還有其他選擇，像小寶當然食 美國牛肉烏冬定食 ($168)🍜（雖然他不懂得欣賞 🤪），姨甥女就要 午市壽司十二件定食($380) 🍣。

其他大人就點 鐵板燒套餐 share食，有刺身、天婦羅、甘鯛、波士頓龍蝦(半隻)、鵝肝配季節精選醬汁、美國牛肉厚燒、澳洲和牛厚燒。再配 炒飯、漬物 或 迷你角切魚生飯及麵豉湯、炒野菜。

而每份餐當然都有前菜、野菜沙律、茶碗蒸蛋、甜品 或 咖啡/茶。十分豐富，雖然沒有頭盤Buffet，但亦胞到捧住肚子走。

[mY BdAy iN 2o18] Lunch with 恩媽 @ 松菱日本料理

日期: 01 August 2018
地址: 灣仔港灣道1號會展商場3樓

雖然已食過Buffet慶祝，但正日嘛，恩媽仍然陪我食lunch再慶祝 😘。選了久違了的松菱。齊齊點了Lunch Set ~ 竹，因為夠豐富。

先有海鮮類，有 燒三文魚、燒海老、帆立貝，後兩者只可二選一，所以只有半件share食。

牛肉🥩是US choice beef，一份厚燒，一份薄燒，一樣share食。

最後就是 麵豉湯、炒雜菜 和 炒麵，生日嘛，傳統要食麵，幸好這裡竟然有，因為之前食過的都只有炒飯。甜品齊齊揀了 海鹽雪糕🍨，鹹鹹地都幾得意。

食至尾聲，興起和恩媽自拍🤳🏻，師傳👨‍🍳見到主動提出幫我們拍📸，還拍了幾個角度，讚👍🏻。

佛誕假期 "一家三口" Lunch @ 牛角

日期: 22 May 2018

和小寶一起睡到11點才起床，真爽。再齊齊落去食午餐，本來想去Beerliner，但原來公眾假期沒有買一送一，就轉去牛角。 等位其間撞到姨媽、姨丈和表姐都食牛角，我們先到所以先入座，之後剛好他們坐在我們後面那張枱，結果小寶經常轉身搞表姐🤣。

起初點了兩個set，其中一個要牛角飯，有紫菜又有汁汁，小寶當然超喜歡啦。而肉不太夠，要追加多一個set。

 

下午太陽太猛，所以去會所玩。玩到4點，小寶就主動要走啦，原來想去食雪糕🍦。之後再去玩具反斗城，玩完一輪玩具又叫肚餓，經過鴻福堂，見有燒賣，就買一份share食。再去超市買晚餐的餸就回家煮飯。

 

近來的週末都很忙碌，已經很久沒有這樣跟小寶在樓下玩一個下午了。

 

Family Lunch @ 牛角日本燒肉專門店

地址: 大角咀海庭道18號奧海城二期1樓128A號舖 

學完琴就會合婆婆家姐去牛角吃午餐。點了3個Lunch Set，全牛宴 🐮牛肋肉、肩脊肉、腹胸肉，分別配燒肉汁、塩醬、辛味醬汁🐮，還有家姐指定的 牛角飯，小寶搶住飲的 Calpis Soda。吃完午餐，就到是日重點節目～Fun Day。

Family 鐵板燒 @ 和三昧

日期: 15 January 2017
地址: 銅鑼灣軒尼詩道555號東角中心22樓

姨甥女順利原校升中，於是姨媽大手筆地請了全家食鐵板燒慶祝 🎉 。在家影完小寶的生日相就齊齊出發。

點了兩個［三人前set］，再加了件銀鱈魚給小寶，非常豐富，所以超多圖 🤗。先來材料圖 😋。

首先送來 前菜～鮑魚沙律。然後師傅就開始第一道菜～法國鵝肝。師傅還特地煎多一片多士給小寶和姨甥女share，小寶十分喜歡，還對師傅說：「廚師，好好食呀」。

再來 澳洲大鮑魚，十分生猛還在郁，小寶很有愛心地說：「唔好煮佢」😅。見我們在食，又話：「咁咪係我個肚腩仔度郁」😂（其實他都不肯食）。

然後就是海鮮，有 北海道貝柱、大蝦 和小寶的銀鱈魚，很鮮甜。

再來 酒煮蜆，當然有點火環節 🔥 。蜆大大隻，湯算清甜但酒味較濃。

本來想第一道就先 炒飯 給小寶吃，但師傅建議先煮海鮮味道會較好，就改在煮牛之前炒。小寶都吃了滿滿的一碗。

之後就是重頭戲～牛肉薄燒及厚燒，點了 澳洲神戶和牛，非常鮮嫩。

最後還有沙律，和 季節雜菜～炒芽菜、豆腐和南瓜。

收爐後就齊齊去另一邊食雪糕和飲品，雪糕有綠茶、芝麻、紅豆和豆腐，飲品除了基本的咖啡奶茶，還有檸蜜，很適合吃完熱氣的鐵板燒滋潤一下。

題外話，正餐沒有點小寶的份，所以他沒有雪糕吃，還好公公讓了他吃。其實這餐那麼貴，多給一份雪糕小朋友亦不為過，實在有點兒小家啦 🙊。

[38.5 months] FTM ~ Day 7 [小寶午餐: 蒸一口餃子，Lunch@牛角]

日期: 31 March 2016

小寶午餐：蒸一口餃子

又包餃子，材料本來只有豬肉、粟米、白菜，但覺得豬肉份量較少，就再加紅蘿蔔，一樣加豉油、鹽、麻油調味，今次包了19隻。

第一次用波仔蒸餃子，先蒸20分鐘，其實ok，不過保險計再蒸多5分鐘，效果很好，比用火煮好又方便。

這次小寶見到餃子很高興，但被他發現了「有黃色」（即是粟米），一邊說「黃色唔好食，有黃色」，卻一邊主動將餃子放入口吃。

名稱: 牛角日本燒肉專門店 
地址: 大角咀海庭道18號奧海城二期1樓128A號舖

本來想去搭叮叮，但爸爸回來了跟我們吃午餐，於是又再去食［牛角］，這次才知道原來用apps都可以享有會員優惠，第二客午餐半價，aiya 上一次就蝕了。

爸爸吃完午餐就繼續返工，本來想去Elements，但拖下拖下又已經4點幾，所以呢日只是去了附近公園玩。

大人晚餐：焗味噌三文魚+芝麻醬菠菜

中午先醃了存放已久快要過期的急凍三文魚，可是可能真的放得太耐，超級腥，又是一餐失敗的晚餐，相都費事影。

[38.5 months] FTM ~ Day 3 [小寶午餐: 漢堡排，牛角，美孚公園，潮福]

日期: 27 March 2016

小寶午餐、晚餐：漢堡排、白飯、白菜、水蛋

漢堡排參考大少奶的食譜，將麵包糠加奶浸濕，加入牛肉碎、紅蘿蔔、洋蔥、少許蛋汁、鹽、黑胡椒拌勻，煎完再加水焗。

想不到小寶很喜歡食漢堡排，仲肯自己畢一大塊食，實在太感動啦，因為基本上除了通粉和蛋，他不會畢其他餸菜。

名稱: 牛角日本燒肉專門店

地址: 大角咀海庭道18號奧海城二期1樓128A號舖

大人午餐就去了牛角，第一次一家三口食，小寶很喜歡飲Calpis Soda，食牛角飯上的紫菜和雪糕。

接著就在商場逛逛，行下行下，爸爸說不如去美孚公園玩，還買了兒童八達通，小寶第一次用自己的八達通入閘搭港鐵。第二次去美孚公園，這次小寶對滑梯興趣不大，玩了一會就說要睇魚魚和烏龜。

接著就回家沖涼，再去跟爺爺嫲嫲食晚飯。是晚到潮福吃我至愛的蒸鍋，點了北京水餃，size比一般大，小寶超鐘意，吃了3隻，還要再食，但已經食晒。又再次超級興奮，在回程路上都沒有睡著，結果又12點幾才睡著@@@。

Lunch @ 牛角日本燒肉專門店

日期: 13 November 2015
地址: 大角咀海庭道18號奧海城二期1樓128A號舖

又半日安陪太子interview，又先去牛角吃午餐。有一段時間沒有來過，原來Lunch menu加了新食物，而飲品亦有我至愛的Calpis Soda。

這次點了「腹胸肉」和新出的「味噌雞肝」，雞肝原錫紙盤上爐，但一不留神就燒燶了，所以有點失色。

Lunch @ 牛角日本燒肉專門店

日期: 13 March 2015
地址: 大角咀海庭道18號奧海城二期1樓128A號舖 

是日半日安，當然是為了小寶貝interview，賽前想輕鬆一下，於是獨個兒去吃牛角，可是1:20pm到達，竟然等位要上半小時，結果無奈地等位，趕頭趕命地吃。

Lunch @ 牛角日本燒肉專門店

日期: 05 February 2015
地址: 大角咀海庭道18號奧海城二期1樓128A號舖 

是日早上半日安，因為又是interview的日子。完成interview後，先帶小寶回家吃飯，而我們又到牛角吃午餐才齊齊上班去。

今次點了兩個燒肉定食，沒有點商務套餐，再追加了一碟網燒一口牛。

口痕點了「雪糕銅鑼燒」作為飯後甜品，本來是點雲尼拿味，卻送來綠茶味，無所謂啦。把它燒至金黃色就可以，可惜很快就聞到少少燶味，但原本夾心的雪糕還很硬，所以一般而已。

除夕 Lunch @ 牛角日本燒肉專門店

日期: 31 December 2014
地址: 大角咀海庭道18號奧海城二期1樓128A號舖 

是日放埋2014年最後一天假期，早上姨甥女要學琴，就帶同小寶到大家樂等她，順便餵小竇吃飯。而我們打算之後再齊齊去「牛角」吃午餐，於是只點了一份早餐和婆婆share吃。

經常想再吃「牛角」的燒肉，但如只得我跟爸爸帶小寶又似乎太危險，今次有婆婆同行就安全得多，而且平日才有lunch set，當然要把握機會。

三大一小，點了三個set，有上級牛肋肉和腹胸肉的商務套餐，其餘有肩脊肉、豚肉、牛肋肉，再追加一碗牛角飯就剛剛好。

有了上次經驗，今次記緊叫上牛角雪糕。

Lunch @ 牛角日本燒肉專門店

日期: 07 November 2014

地址: 大角咀海庭道18號奧海城二期1樓128A號舖 

是日半日安，因為要陪太子interview。先來牛角吃個午餐，輕鬆一下。

點了一份燒肉定食，有牛肋肉和肩脊肉，另一份豪一點，點商務套餐，有上級牛肋肉和腹胸肉。兩碟燒肉份量都很少，再追加一碟。

以日式餐廳來說，飯是不行，麻油椰菜更不行，很硬而且無味，要自行添加蒜蓉醬。還好主打的燒肉都很正，只是腹胸肉太厚了，還是薄薄一片較適合燒。

可能是新開張，服務態度亦不行，追加一碗「牛角飯」，催了3次才送來。

而且原來商務套餐還包了牛角雪糕，竟然沒有送來，是之後看相才知道，真是不行X( 

Dinner w/t Miss Yau @ 和幸日本燒肉料理

日期: 15 August 2014
地址: 銅鑼灣謝斐道496號金利文廣場3樓

Happy Friday，約了Miss Yau晚飯。選了幾間不同類型的餐廳，最後她選了日式燒肉。

Miss Yau 塞車遲到了，坐著坐著很肚餓，先點了「芝士年糕」醫醫肚，但麻麻，應該點串燒會更好吃。

人齊再點菜，燒肉點了Delux Combo Set，有黑毛和牛胸腹肉、牛肋骨、日本伊達赤豚、岩塩薄燒牛舌、味噌手羽先（即是雞翼），還點了「清酒煮蜆」、「赤豚泡菜石燒飯」。

燒肉很美味，雖然不太分得清楚是那一款肉。傾下講下燒下食下，已經十點了，又是回家陪小寶睡覺的時候了。

[mY BdAy iN 2o12] 秋田日式鐵板燒專門店

日期: 01 August 2012
地址: 尖沙咀諾士佛臺13-13A號

其實之前都估到少少係食鐵板燒... 坐下坐下越覺得熟口面, 原來真係2008年生日時黎過個間, 不過呢間係新分店...

先有枝豆、季節沙律... 雖然用料十足, 仲係我至愛既芝麻醬, 不過都係唔好食咁多啦... 淨係食晒粟米...

前菜有鵝肝黑魚子蒸蛋...


主菜開始啦... 銀鱈魚、香煎鵝肝多士...


龍蝦麵豉湯、和牛薄燒...

將原先set中既龍蝦改作和牛厚燒...


自選炒飯圖案... 08年都係standard一個哈哈笑, 而家已經進步左, 可以俾客人點選圖案...

一個對我地很有意思既圖案...


其他客人既圖案...


當然梗係有食得落肚既真正炒飯, 同炒翠肉瓜(好在唔係芽菜)...


甜品就有即製超好味既紅豆燒餅... 連本身麻麻地紅豆既我都成個食晒...

同只可以食兩啖既芝麻同綠茶雪糕...


最後仲有個小小既birthday cake...


多謝老公...

[3rd Anniversary] Lunch @ 和三味

日期: 09 January 2011
地址: 銅鑼灣軒尼詩道555號東角中心22樓

老公想食鐵板燒... 於是一係唔食, 一係唔夠1個月食兩次...

叫左個二人商務套餐, 加埋信用咭discount, 埋單只需約$500... 超值...

沙律、鵝肝、大蝦、清酒煮蜆



蝦頭、豚肉薄餅卷、薄燒牛肉、炒雜菜、炒飯、(無影度既)麵豉湯、雪糕

Lunch @ 松菱日本料理

日期: 23 December 2010
地址: 灣仔港灣道1號萬麗海景酒店3樓

Department 既X'mas lunch今年揀左松菱, 本來呢日放假都專登返去食... 嘻嘻嘻... 

當然有must have items ~ 沙律、味噌湯、炒飯、炒野菜

Main dishes ~ 燒三文魚、海老、帆立貝、薄切牛肉、牛柳

甜品 ~ 布甸?!?! (其實食完都唔知係乜... )

Dinner @ Pepper Lunch

日期: 14 May 2009
地址: 尖沙咀廣東道30號新港中心地下5號舖

Pepper Lunch 係香港開左咁耐都係第1次食, 叫左霜降牛排同漢堡排+小牛排... 仲有蜜糖蒜蓉醬同牛排醬點...

同係吉祥寺食既性質差唔多, 不過Pepper Lunch就係鐵板上... 雖然係咁, d肉都無overdone, 係煎好兩面之後, 塊鐵板都已經唔熱, 當然Satou d肉質實正好多啦...

不過都有d貴, 成本$60-70一份, 連可樂都無杯, 同埋要自己攞個鐵板去位度都幾危險...