[3Y 11M ~ K1] X'mas & Birthday Party

日期: 16 December 2016

話咁快又到學校開生日會，今次整 阿華田醬夾心麵包（其實主要想消滅剩下半樽快要過期的阿華田醬 🙊😬）。先在一塊方包塗上阿華田醬，再放上另一片方包，用曲奇模壓出形狀就可以啦。兩塊方包可以壓出4小件，用了5款曲奇模印，有Mickey、Minnie、心形 ❤️ 、人形、花形 🌼，共整了3x件。小寶見到好開心，不斷說想食😋。

年尾要清假，於是請了半天假送小寶返學，一來負責運送麵包，二來可以協助他送聖誕咭，三來就是跟小寶影相，一舉三得。

剛好婆婆早上又有事，我要負責餵飯，一樣吃飯時蝦我，吃得超級慢 😤😠，趕頭趕命起行，幸好沒有遲到。

上年買了但沒有穿過的聖誕老人衫和帽，幸好今年仍然著到，褲就不適合了，改襯牛仔褲。第一次著，好可愛喔 😍。

學校安排了聖誕老人，又有聖誕樹 🎄 裝飾，趁有時間和他影影相後，又趕頭趕命趕返工啦。

LC 23cm方型盤 ~ 小餐包

日期: 25 October 2015

小寶忽然肯食麵包，繼芝麻吐司之後，買了個「麵包超人包」（即是紅豆包），又吃了很多，於是挑起根，勁想整「餐包」。

250g 粉，分到9個，每個大約47.5g，用LC 23cm方型盤剛好一盤。其實有想過用花花煲，整「花花餐包」，但怕我的蚊型焗爐負荷不到，還是用方型盤較穩陣。

太耐無整過，焗前做型麻麻，焗後樣子還不錯，但不知為何味道依然欠奉，小寶當然不欣賞。

 

湯種 ~ 花生卷 + 芝士條

日期: 27 November 2011

終於買到個Display盤啦...

湯種 ~ 雞尾包 + 墨西哥包

日期: 13 November 2011

湯種 ~ 芝士條

日期: 06 November 2011

今次試下玩湯種, 原來都好簡單, 只需事先將5份水+1份高粉煮成麵糊, 攤凍後同材料一齊打成麵團就得...

過程中麵團都比之前做既濕同黏手, 可能濕度較高, 焗起既麵包好鬆軟... 甚至覺得比用老麵好...

芝士包

日期: 30 October 2011

次次都整雞尾包, 今次搞搞新意思整芝士包...

其實包底都係大同小異, 只係係包面灑上Parmesan Cheese... 

雞尾包 & 墨西哥包

日期: 23 October 2011 

今次終於唔偷懶, 唧埋兩條"墨西哥麵糊", 整番個似模似樣既雞尾包... 

有淨麵糊就整多兩個墨西哥包, 好好味呀, 可惜唔可以留咁多日... 

P.S... 下晝影既相係靚d...

雞尾包 + 花生醬卷

日期: 09 October 2011

又整麵包啦... 今次準備整雞尾包 同 花生醬卷...

可惜多手將酵母先加入熱奶, 再拌入麵糰, 結果第1次發酵, 等左個幾鐘都發唔大, 平時唔到1個鐘已經發到好大... 估計係酵母俾熱奶熱死...

無計, 唯有再整過... 第1次將成個麵糰送入垃圾桶...

再整一次, 將酵母直接放入麵糰, 第1次發酵完無事啦... 好彩... 分開兩份, 一份包雞尾餡...

一份跟之前輝sir教既花生醬卷造型, 可惜係失敗, 麵糰非常有彈性, 完全唔可以轆薄再卷...

下圖已經係卷得最好既一個, 其他既都爆開晒... 不過花生醬就好好味...

繼續... 雞尾包

日期: 19 September 2011

第2次整雞尾包, 今次整大隻d得7個, 更加似樣, 而且係超級成功, 包底好好味, 食到餡仲好味... 

一出爐雖然已經12點, 但係食完1個試味都忍唔住再食多個... 第2朝無叮一樣咁鬆軟, 係第1次...



今次步驟有少少唔同, 唔知關唔關事...
1. 鹽只加1g
2. 機搓中途, 加粉太多, 於是加左少少熱水, 平時只加暖牛奶, 可能唔夠熱?!?!
3. 機搓完後, 手搓左幾下先第1次發酵... 唔知有無幫助?!?


日期: 25 September 2011

繼續都係雞尾包, 用上面既方法再做1次, 都一樣鬆軟... 不過唔記得灑上芝麻...

整多左, 分左兩個俾老友, 佢又同同事share, 同事既comment係"密度好高", 咁點先可以令"密度低番d"?? 

雞尾包

日期: 04 September 2011

第1次整有餡包, 揀左老公至愛~雞尾包, 整左4個, 偷懶只用椰絲餡, 無整墨西哥醬...

原本淨包底都唔係好夠味, 但係加埋餡料就好好食... 不過仲係唔夠鬆軟... 

排包+老麵

日期: 28 August 2011

今次用排包既食譜加一份老麵, 整餐包形... 終於比較鬆軟, 唔知係因為食譜定係老麵... 

用蛋液加水成蛋汁掃面, 不過比較淺色... 無加醬淨食, 味道始終比較淡, 要再試...

自家製牛奶餐包 with 老麵

日期: 21 August 2011

姨甥女又黎我屋企玩, 於是整麵包俾大家做早餐... 3倍分量一共25個...

係網上話加入老麵會令麵包更為鬆軟, 早幾日見唔難整又得閒, 整定d stand by...

呢次加入兩份老麵一齊搓... 姨甥女又玩埋一份, 幫手量材料, 分割...

不過今次食落反而唔及之前鬆軟, 唔知問題出係邊, 唯一可以賴可能係俾姨甥女玩麵糰玩得耐左... 

自家製牛奶餐包 x 2

日期: 15 August 2011

整包整上癮, 見前一日整既包已經食晒, 於是又再開壇...

係圖書館借左"日本名店名人麵包祕方", 本來想整入面既牛奶麵包, 但係攪拌完好濕, 比較奇怪, 於是再落多些高粉, 又變成類似前一日整Bosch既食譜...

今次依據重量分割, 剛好7個, 個個大小相同...
新鮮出爐又再試味, 味道似模似樣, 原來之前差個少少就係"鹽"(前一日無落)... 雖然唔夠鬆軟度, 到第2朝早餐食時要叮... 但真係好有滿足感... 

 

自家製牛奶餐包

日期: 14 August 2011

自從去完Bosch個麵包示範, 成日心思思想試下... 

呢日終於開壇作法... 食譜用Bosch提供既一半份量, 共8個...

第1次整都算幾成功, 用壓力機打果然唔同, 容易好多... 不過今次外形大細不一, 無加菠蘿皮淨食又好似差咁d野... 外形同味道都有待改善... 

麵包一出爐, 即刻食左個試味, 其餘既就係消夜同第2朝KO晒, 哈哈...  

其實有壓力機整麵包真係好簡單, 雖然前前後後都要3個鐘, 不過其間都係等等同等... 如果掌握好技巧, 自家製麵包絕對是早餐既最佳選舉, 因為比蛋糕少糖少油...

第1次同第2次發酵既樣... 

Bosch 麵包示範 @ I Love Kitchen

日期: 30 July 2011

自從"壓力機"出世之後(部機實在太pro, 好驚自己功力未夠, 晒左部機, 所以叫佢做壓力機), 對佢既性能都未係好熟, 無意中發現I Love Kitchen免費教用呢部機整麵包, 100個正, 拿拿林去報名...

分別教整菠蘿包同牛角包, 菠蘿包之前都學過, 不過個包底係比較硬, 呢個師傅話只要鬆夠根, 第2日都會鬆軟... 雖然只係睇, 但係都獲益良多, 希望我都可以整到, 唔好晒左部機... 

港式菠蘿包, 花生醬卷, 叉燒酥 @ C'est Bon Cake

日期: 22 April 2009 

第1次學整麵包, 其實之前係屋企都只係試整過1次咁大把... 當然係堂上又係雞手鴨腳... 而其他同學都已經好Pro咁, 咁其實點解仲要學?!?!?! 成$300一堂都唔算平... 莫非就係因為我無成日上堂, 所技術仲係半桶水?!??!?! 但係就因為個個都係有經驗既人, 所以過程都講得相當快, 蠢鈍既我一時三刻根本唔可以即時領會, 換來既當然係非常狼狽既樣... 唉... 都係係屋企閉門練習好過... 

講番製成品... 上堂個陣阿sir都已經講過呢個包底會比較硬, 似足街賣既咁... 新鮮出爐之後馬上拎左去俾家人食, 非常軟熟, 好好味... 正... 




不過第2日早餐食, 同埋請朋友仔食個陣, 就正好阿sir所講, 已經變得較硬... 但係通常整麵包都係for第2日早餐, 又或者第2日先可以俾人, 咁咪無乜機會再試呢款包底??!?!?! 不過個叉燒酥就好正... 應該會encore, 如果唔懶整叉燒餡既話...

港式菠蘿包

花生醬卷

叉燒酥

8號風球下的~鮮奶軟包

日期: 06 August 2008

8號風球, 意外多了1日假期... 終於整了想整好耐的麵包...

第1次整, 雖然賣相差d, 但係整體上都不過不失... 仲估唔到幾好味添... 哈哈哈...