雞尾包 + 花生醬卷

日期: 09 October 2011

又整麵包啦... 今次準備整雞尾包 同 花生醬卷...

可惜多手將酵母先加入熱奶, 再拌入麵糰, 結果第1次發酵, 等左個幾鐘都發唔大, 平時唔到1個鐘已經發到好大... 估計係酵母俾熱奶熱死...

無計, 唯有再整過... 第1次將成個麵糰送入垃圾桶...

再整一次, 將酵母直接放入麵糰, 第1次發酵完無事啦... 好彩... 分開兩份, 一份包雞尾餡...

一份跟之前輝sir教既花生醬卷造型, 可惜係失敗, 麵糰非常有彈性, 完全唔可以轆薄再卷...

下圖已經係卷得最好既一個, 其他既都爆開晒... 不過花生醬就好好味...