[自煮派對VIII] 西式盛宴

日期: 26 May 2012

發左毛兩個月既blog, 係時候要update下啦... 

又係自煮派對... 今次係西菜, 因為朋友仔點名要食羊架...

是日Menu

迷迭香芥末煎羊架

怕原條入焗爐唔知要焗幾耐, 於是叫左老闆切開一件件, 

採用先煎後焗既形式, 當堂易掌握好多...

香煎薄牛排

買羊架時, 覺得比較細份, 見薄牛排好似唔錯, 又平, 於是買左4塊加料, 

不過其實end up唔買牛排都夠食有餘...

又有蝦碌場面, 牛排同羊架放左入焗爐之後, 大家都掛住整意粉, 完全唔記得左拎番出黎, 

羊架厚身當然還可以, 而薄牛排雖然味道ok不過就變成牛肉乾啦...

煙肉橄欖油車厘茄意粉

呢款意粉清清地又容易整, 不過用錯工具拌勻, 結果意粉都整到碎晒...

菠菜鮮冬菇

又係朋友仔點名既配菜...

Menu看似簡單, 最終都要2小時先完成... 

甜品有朋友仔買來的Dreyer's雪糕...