颱風山竹下的午餐 ~ 越式牛肉粒、蒸水蛋、炒椰菜、飯糰波波

日期: 16 September 2018

超強颱風山竹強勢來襲，第一次把家中的窗都貼上膠紙，但沒有特別儲糧 😅。

找找家中食材，正好煮了積存已久的急凍牛肉粒，用越式醃法，但似乎煮得太耐，太韌了。另外炒個椰菜，用波仔蒸個水蛋給小寶，和小寶要求的飯糰波波。

[5Y 7.5M] 意外撞到同學仔

日期: 09 September 2018

一早和小寶落街買餸煮午餐，但在超市附近撞到同學仔Ethan一家，小朋友在商場玩了一陣，意猶未盡，於是提議去會所或者公園玩，最後會所勝出 。

其間Ethan細佬開始扭眼瞓，但Ethan仍然想繼續玩，於是Ethan媽媽先帶細佬回家安頓，我就繼續和兩個小朋友在會所玩。

玩到兩點，我的肚已經在打鼓，於是提議去食午餐，難得兩個小朋友都肯走 😆。最後去了一風堂（有點混亂，沒有影食物相啦），第一次一拖二去餐廳食飯，很刺激呀，還好兩個小朋友都算乖 😆。

之後Ethan想玩陀螺，於是齊齊回我家玩，第一次有同學仔上屋企玩，事出突然，家中一遍零亂，真不好意思 😅。其間小寶還主動跟Ethan分享家中唯一一個奶黃月餅 👍🏻。玩到5點幾，Ethan都要回家啦，這天小寶玩得很開心啊 😃。

[5Y 7.5M] 和小寶齊齊返工，Lunch @ Greyhound Café

日期: 01 September 2018

9月1日是星期六，又要返工 😩。小寶新學年改為返上午班，已經開始幫他調時間，既然要早起，免得他在家跟爸爸看足一朝電視📺 🙄，於是就帶他一起返工 😝。

小寶一路都很興奮，對我的公司和工作很好奇，其實咪又係對著電腦💻 🤣。在他不斷搞搞陣的情況下，順利完成工作 😅，爸爸亦來到會合，就齊齊放工去食午餐。

名稱: Greyhound Café
地址: 尖沙咀廣東道3-27號海港城海運大廈地下G01號舖

繼續落大雨 🌧，於是搭船 ⛴ 去尖沙咀。繼續泰菜系列，又是Greyhound 😅。

入餐廳前已發現外賣 芒果糯米飯🥄 比堂食平，於是就外賣一份回家吃。但之後又要外出上堂，結果放到7點多才打開，發現芒果已經開始變黑了，可能天氣太熱啦。而糯米飯和椰漿都不錯，算是在香港食到最好的。

小寶午餐：飯糰波波

日期: 26 August 2018

小寶說午餐想食飯糰🍙，本想落街買材料，但拖拖拉拉都未起行，之後又要趕著去上Golf 🏌️‍♂️ 堂，家裡只有飯素，唯有只用飯素來撈白飯，再整成波波形，第一次整完全無餸的午餐 🙈，小寶當然很欣賞 🤪。

Lunch Buffet @ Cafe Renaissance

日期: 22 August 2018 
地址: 灣仔港灣道1號香港萬麗海景酒店閣樓 

恩媽的正日生日飯，本來是食大都淮揚中菜，但壽星媽忽然提議食Renaissance 的 Buffet，原價$318，75折後埋單每人$260。

食物都是那些，較有新意的是熱食有 海南雞飯，甜品又有 千層蛋糕、心太軟、合桃曲奇🍪。

Dinner with Miss Yau @ 美中·鴨子

日期: 20 August 2018
地址: 尖沙咀廣東道3-27號海港城港威商場3樓3319號舖

托Miss Yau在英國買了點東西，約出來交收順便食個飯。Miss Yau食得太多西餐，想食中餐，我就提議試試這間經常推滿人等位的美中·鴨子。

點了 🥢半隻烤北京填鴨🥢，但很失望，完全不脆，似放了好一陣子才上枱。其餘的 🥢上海雲吞鴨湯🥢、🥢小籠包🥢、🥢雞絲粉皮🥢 亦麻麻。北京樓質素好得多，實在不明為何那麼多人幫襯這間。