[第1天~Dinner] かに道楽

日期: 06 April 2010
地址: 東京都新宿区新宿3-27-10武蔵野ビル4F
網址: http://douraku.co.jp/

家姐極力推介既餐廳, 不過因為我同老公都懶食蟹, 所以一直都無試過... 

今次同家人去就可以試下... 果然幾乎所有蟹都已經拆開晒, 不費吹灰之力就可以解決...

叫左4個sets, 擺到一枱都係...

蟹肉刺身... 肉質好滑好鮮甜...

 

凍蟹鉗... 熟食當然係留番俾唔食刺身既爸爸媽媽食...
蟹膏... 就咁食就覺得有點腥...

紙火鍋... 不過唔知點解等左好耐都未滾, 加上已經好飽, 所以無乜點食...
炭火燒蟹腳... 掛住食其他野, 唔記得番下佢, 搞到燶左...

蟹肉斧飯... 勁有蟹味... 雖然已經好飽, 都忍唔住要食多碗...  

蟹腳天婦羅, 箱壓壽司... 又係勁好味...

鍋巴, 芝士焗蟹肉, 最底下個碗已經唔記得係乜...
當然唔少得茶碗蒸同味噌湯...

仲有甜品... 雪糕, 綠茶浸雪糕, 同雪米糍...