白菜豬肉水餃

日期: 04 July 2010

第1次係香港包餃子, 完全唔知份量點預, 賣餃子皮個哥哥仔話一斤大約有50張, 咁就一斤啦, 點知原來一斤皮有成差不多100張, 搞到浪費左成1/3... 都唔知個哥哥仔有心定無意, 又會差咁遠...

再買多半斤白菜仔同$25豬肉做餡, 啱啱好包到60幾隻... 下次買半斤餃子皮, 一樣既餡就fit晒... 不過都係醃得唔係好夠味, 可以再重手d...

包餃子既技術係源自媽媽, 細個個陣, 一包餃子就會全家總動員(唔係有排都無得食)... 都算係小時候既親子活動...