[38.5 months] FTM ~ Day 2 [小寶午餐，佐治五世紀念公園]

日期: 26 March 2016

小寶午餐：煮油麥菜紅蘿蔔雞肉丸子、蜆殼粉、油麥菜、紅蘿蔔蒸水蛋

將雞肉攪碎，加了菜葉和紅蘿蔔拌勻，再整成一粒粒，然後淥熟。可能丸子賣相差，多菜又鞋口，小寶一點兒都不欣賞，連他最愛的蒸水蛋都因為加了紅蘿蔔而不吃，唉。

晚餐沒有煮，因為會跟爺爺嫲嫲食，想早點過海玩，本來想去動物植物公園，但4點多才出發，於是去了西營盤的佐治五世紀念公園，還帶了單車。

6點多就再開車去爺爺家，雖然只有10分鐘，但小寶竟然睡著了，甚至搬到爺爺床都沒有醒來，讓他睡了45分鐘，就要叫他起來吃晚飯，同樣叫極都唔醒，一聽到電視聲就醒了@@。

是晚到酒樓打邊爐，額外叫了碗魚湯米線給小寶吃，平時他都喜歡吃米線，但可能心散，不太肯自己吃。

又以為他在回家的車程上會睡著，當然沒有，依然精神得很，12點多終於肯熄燈，過了一會卻要wee wee、poo poo，結果差不多1點才睡著@@@。

[38.5 months] FTM ~ Day 1 [小寶午餐: 親子丼，機場，晚餐]

日期: 25 March 2016

小寶午餐：親子丼、油麥菜

是日新嘗試整［親子丼］，食譜參考大少奶，材料有雞肉、雞蛋、紫洋蔥、紅蘿蔔，一直都很像樣，但加入蛋液後，一不留神就變了［煎蛋］，而小寶一點都不欣賞，又要送婆婆他們去機場，結果只吃了一半，就趕著出門口。

一路上小寶對［飛機］［機場］都很雀躍。Check in後就齊齊去了翡翠拉麵小籠包吃午餐，小寶一連吃了三個小籠包。

食完亦到分別時，怕小寶會喊就不送到閘口，上到上層，婆婆他們就無聲地走了，小寶好像知道，哭了幾分鐘找婆婆。

之後去了Terminal 2逛逛，有幾間玩具店、Living Plaza。離開時才4點，想不到去哪裡，就回家拿單車去公園踩。然後去超市買雞蛋，小寶嚷著要買雞蛋仔，見他很自在地坐在單車上吃，很可愛呀。接著就回家洗澡準備晚餐。

小寶晚餐：味噌煮淮山雞肉、白飯、油麥菜

淮山雞肉煮熟，再加入一小匙白味噌調味，其實都不太食得出味噌的味道。

大人晚餐：山賊汁免治漢堡、黑松露醬意粉、炒椰菜

前一天順道在Sogo買了一盒［山賊汁免治漢堡］，放入波仔選自動模式［漢堡排］，簡單方便。

很早之前99給了一樽黑松露醬，終於拿來撈意粉，但不知是壞了還是什麼，超難食，完全失敗的一餐。

[38.5 months] Full Time Mum

日期: 25 March - 4 April 2016

全家人去了東京旅行，想不到又有機會做FTM，連頭尾更有11天。

看著家人們去旅行，終於的起心肝計劃一家三口去旅行（跟他們去東京9日太激又太凍啦），最後決定目的地是「福岡」，5月中出發（剛好過了日本黃金週），本打算放完假就訂，豈料拖拖下，竟然發生了熊本地震，唯有hold住再睇情況。

扯得太遠，說回這次FTM的感想，小寶一向在我家和沒有家姐的情況下表演都比較正常，除了食飯，但又變回了夜睡BB，因為沒有正事要辦，加上我手腳慢，結果很多天都日上三竿才出外，而小寶亦不用午睡，所以回到家已經是6:30-7pm，又要開始趕著跟他洗澡，準備他的晚餐，結果只煮了三天大人晚餐，有兩餐更是全失敗，因為都已經沒有心機煮，看來我還是比較適合煮午餐。

FTM ~ Day 1 [小寶午餐: 親子丼，機場，晚餐]

FTM ~ Day 2 [小寶午餐，佐治五世紀念公園] 

FTM ~ Day 3 [小寶午餐: 漢堡排，牛角，美孚公園，潮福]

FTM ~ Day 4 [小寶午餐: 淮山漢堡排]
FTM ~ Day 4 [街頭復活節活動，Late Lunch @ Uncle Padak]
FTM ~ Day 4 [動植物公園，海港城]

FTM ~ Day 5 [小寶午餐: 一口三角形餃子]
FTM ~ Day 5 [海港城，剪頭髮]
FTM ~ Day 5 [晚餐: 清蒸豆腐椰菜/白菜 配蠔油本菇肉碎]

FTM ~ Day 6 [小寶午餐: 淮山肉碎白菜炒飯]
FTM ~ Day 6 [拍拖遊迪士尼，晚餐@和民]

FTM ~ Day 7 [小寶午餐: 蒸一口餃子，Lunch@牛角]

FTM ~ Day 8 [小寶午餐: 豬肉薯餅]
FTM ~ Day 8 [搭叮叮，銅鑼灣，Tea @ Dazzling Cafe]

FTM ~ Day 9 [小寶午餐: 粟米菜芯雞肉蒸餃]
FTM ~ Day 9 [Snoopy's World，Tea @ School Food]

FTM ~ Day 10 [小寶午餐: 汁汁飯，茶點: 蛋撻]

Lunch with 恩媽 @ Divino Patio Ristorante Bar Pizzeria

日期: 21 March 2016
地址: 灣仔港灣道28號Brim 28灣景中心1樓11號舖

大家都想encore Divino，於是又搵「復活節大餐」作借口大擦一番，但開始作病，加上第二次食，沒有了第一次的新鮮感。

這次沒有點主菜，只攻頭盤沙律，而餐湯一開始是番茄湯，覺得太酸，臨近尾聲才轉甘筍湯，很甜，飲了兩碗。

本來見病想放棄甜品雪糕，但見是甜筒，size認真迷你，就一啖將它食完。

[波仔第5擊] Sundy Brunch ~ 蒸豆腐肉餅、蒜蓉蒸勝瓜

日期: 20 March 2016

第一次用波仔蒸餸，用LC花花碟，一次過蒸晒兩碟，美觀、健康、又方便。

「蒸豆腐肉餅」：豆腐、肉碎、蛋白（剛好前一天整Tiramisu 剩下了一個蛋白）加入調味拌勻，就可以入爐蒸。

「蒜蓉蒸勝瓜」：勝瓜太老，又沒有削去太多的皮，結果好鞋。

[Dad's Bday 2016] Tiramisu + [波仔第4擊] 手指餅

日期: 19 March 2016

公公的生日蛋糕，又是Tiramisu，今次決定自家制手指餅，一來可以繼續試玩波仔，二來份量較易掌握（因為買一包，通常只用一半，另一半就放到過期）。

星期六早上先焗起手指餅，兩隻蛋的份量剛好兩盤。但不知道是天氣太潮濕，還是製造過程有問題，完全品有點濕。

本來打算星期日才做芝士部分，但姨甥女想整，於是改為星期六晚上整。今次很認真地煮了蛋糊，酒繼續只有Marsala，但買了Davidoff的即溶咖啡，姨甥女負責的部分就是淋咖啡於手指餅上。

一向都是先灑上朱古力粉再用風筒甩模，但這次一吹風筒，朱古力粉就周圍飛，為什麼印象中以前沒有這問題。

邊位終於沒有大窿窿，又買了士多啤梨作裝飾，雖然整體效果很滿意，但就了無新意。

小寶 ~ 37-38 months

說話開始有紋有路，有對答，又會學大人語氣。例如「都話XXX」「XXX添」「XXX wor」

會糾正我們：「唔係XXX，係XXX」，例如「唔係圓形，係oval」

姨姨回來叫小寶叫她，他卻大聲回應「玩緊」

會問「我地去邊到?」「呢到邊到?」「做咩事?」
「係邊到買?」「我想買呢個」

學家姐用國語說「我的腳趾」「我的屁股」，話氣跟家姐一模一樣，但腳發音跟了家姐是錯的。

問小寶［點解呀?］他都懂得答「因為xxxxx」，當然xxx多數是亂講。

鬧他，會發脾氣話「哎呀，唔好嘈呀」「哼，唔采你」

聽到洗手間有水聲會問「邊個沖涼?」

見到成地都是東西，會話「嘩，發生咩事?」

日期: 18 February 2016

• 小寶發現吉紙皮盒裡有小強：「有蟲蟲，係麵包超人盒，睇唔睇到?」

日期: 21 February 2016

• 食飯中：「小寶唔食」「唔食呢個」「睇下，唔見左啦」

日期: 23 February 2016

• 指著電視上麵包超人玩具：「呢個小寶唔得，大人得」

日期: 24 February 2016

• 自己砌Lego：「仲有一個未砌，點算?」
• 玩爸爸的headphone：「媽咪試唔試下?」「擺係耳仔」「拎出黎玩」

日期: 25 February 2016

• 指著屋內的兩對鞋，說那一對是婆婆的：「第二個，屋企」「唔係第一個，係第二個」

日期: 26 February 2016

• 「俾我睇」
• 找Thomas書要我講故事：「Thomas本書係邊到?」

日期: 27 February 2016

• 婆婆正在餵飯，我便說［自己食飯］，他就跟著說「自己食飯wor」

日期: 28 February 2016

• 姨媽叫小寶跟她去Two（姨媽屋企那座），我就跟小寶說［去食飯呀］，他就跟姨媽說「唔係去Two，係去食飯wor」

日期: 29 February 2016

• 聽到怪聲，問「做咩事?」
• 指著豆漿：「爸爸，呢個好味，試下」

日期: 05 March 2016

• 「再黎一次」
• 「姐姐收埋多啦A夢係邊?」
• 玩麵包超人便利店玩具：「我地餐廳買野食」

日期: 06 March 2016

• 唔準我們扶實單車：「都話唔好」
• 路窄，單車不夠位過：「kick住左添」
• 晚上到爺爺嫲嫲家接他們外出食飯，出門口時叫他拖住爺爺，但他用雙手拿著一盒surprise egg：「無手」
• 電梯來了：「等埋嫲嫲先」「等埋爸爸先」
• 來到酒樓，記得上次來的時候有Elmo佈置：「今日無Elmo」
• 入到酒樓，又記得「綠色果汁」（上次侍應姐姐請他飲過）

日期: 07 March 2016

• 在玩surprise egg：「邊個乖就俾你邊個」

日期: 10 March 2016

• 在玩飛紙扇：「唔緊要，飛呢個」「飛上天空」

日期: 13 March 2016

• 爸爸忽然開電視，大叫：「邊個叫你睇電視」

日期: 14 March 2016

• 問他［What is your name? / How are you?］答「I am is xxx」（應該跟My name is 混淆了）「I am fine. Thank you」
• 「馬路有水」
• 「爸爸鐘意睇呢個」
• 「一陣間爛左」
• 我話［家姐10歲］小寶卻搭訕「家姐10歲，小寶3歲」

日期: 15 March 2016

• 望著窗外：「唔可以sir滑梯」［點解?］「因為黑蚊蚊」

日期: 16 March 2016

• 想家姐跟他玩London Bridge is falling down：「家姐無拖手」「唔好坐係到」
• 想我追他：「媽咪過去呢到」

日期: 17 March 2016

• 「邊個準你熄燈」

[37-38 months] 小寶正餐

日期: 20 February 2016

淮山煮雞肉 配白飯、菠菜、水蛋

用Pooh Pooh碟上。這張相是小寶影，影完就話「嘩，好靚」。

自己食完蒸蛋，要自己畢淮山食，又話「真係好食」「自己食淮山呀」，但當然只興奮了幾分鐘，又要餵啦。

日期: 21 February 2016
粟米汁牛肉Pooh Pooh通粉 配菠菜、水蛋

日期: 28 February 2016

南瓜豬肉炊飯、小棠菜 

今次懶無用蒜蓉起鑊，香味果然差少少。

日期: 05-06 March 2016

雜菜湯通粉、水蛋

用番茄、紅蘿蔔、椰菜、牛肉煮成湯。

日期: 12 March 2016

紅菜頭三文魚迪士尼通粉、菜芯、水蛋

日期: 13 March 2016

紅菜頭牛肉飯、菜芯、水蛋

開始作病，所以胃口麻麻，尤其晚餐。

"一家三口" Tea @ RBTea

日期: 19 March 2016
地址: 太子彌敦道750號始創中心2樓232號舖

上完堂，興之所至去了這間RBtea食tea，拿完飛等位期間又即興去快圖美影証件相，初時小寶都算合作，但影相姐姐未能捕捉，結果他開始不耐煩，最終要一個比較senior的姐姐出手才搞定。

影完相就可以吃下午茶，我揀了「芒果waffles」，有3塊waffles、芒果冰粒（應該是將芒果放在冰枱，還結冰中）、雪糕和忌廉，Waffles鬆脆但比較單薄，小寶當然大愛雪糕。這間食物水準不錯，但上菜慢，爸爸點的蛋糕居然完全忘記拿過來，要我們追單。

[38 months] 打敗仗

日期: 13 March 2016

唉，依然難逃開學後每個月病一次的魔掌。前兩次都自行食藥好番，今次又要看醫生啦。

星期日早上依然生猛，下午爸爸覺得他熱，就探熱，38c，馬上吃退燒藥。第二天早上沒有燒，但都比平時高，梁醫生說是初起感冒，要吃三天輕微抗生素。

開始有幾聲咳，6點多時又開始38.1c，吃了退燒藥，晚上就擲界。但半夜4點多起來說要飲水，覺得他熱，一探又38.4c，立即食退燒藥。

星期二、三整天37.9-38.x，多了鼻水。到星期四才完全退燒。為安全計就請足一星期病假，連生日會亦錯過了。

[波仔第3擊] 烘多士

日期: 13 March 2016

今次烘多士，跟食譜書教用Convention 250c，焗4:30分鐘。邊位仍然有少許燶，多士底亦比面燶得多，應該是因為連焗盤一齊預熱。下次要再試用200c，不連焗盤預熱。

用美心特濃澳洲純鮮牛奶包，是厚身包，焗完依然鬆軟，正。小寶亦很喜歡吃。

[波仔第2擊] 牛奶餅乾

日期: 12 March 2016

坐言起行，繼續研究用波仔焗曲奇。既然因為厚薄不一，今次就整印模的「牛奶餅乾」，第一次用Blogger Carol的食譜。

印模果然靚好多，但花時間，半個鐘才印了一盤。用Convention 160c 焗15分鐘，再用150c 焗多3分鐘。這次上色比較均勻，但部分邊位依然有少許深色。而且不知是麵粉相對多，還是因為焗多了3分鐘，餅乾很硬。

另外絕對推介波仔的一個超正function，就是「按溫度軟化牛油」。今次牛油有60g，set 15c，叮一次未夠軟，再叮一次就剛剛好。以後就不用等個幾兩個鐘才可以開始整，時間就可以控制得更好。

新寵兒 ~ 東芝水波爐

前文提過對蚊型焗爐越來越不滿意，本來打算換一部有熱風對流的焗爐，在電器舖逛逛，發現東芝的水波爐，有蒸、焗等functions，大約$5,000，之前看中的焗爐都要大約$2,000，加上超幸運地在公司的Annual Dinner竟然中了11獎，獎品是iPhone 6S 一部 (咁大個女第一次中大獎，嘩哈哈哈哈)，再上網看看評論，原來石窯烤焗是東芝強項，非常適合我，就扑鎚換機。買爐還有LC 焗盤送。

上次新年剩下了一小塊曲奇麵糰，剛好一盤，好用來試機。用Convention 170c，焗15分鐘，但上色依然不均勻，頓時晴天霹靂。馬上上Facebook group問問，應該是切得不好，厚薄不一所致，焗溫setting都應該沒有問題，建議可試試印模。以前用大焗爐時好像又沒有「刀功」這問題，Anyway 下次一於試試印模。

Satruday Kitchen ~ 番茄牛肉飯、有機沙律菜

日期: 05 March 2016

一直幫襯的有機菜檔送來一包沙律菜，剛好759又返了久違的金芝麻醬，絕配。

「番茄牛肉飯」是參考肥媽的食譜，特別之處是飯熟後趁熱加入一隻雞蛋拌勻。

[37.5 months] NurSery ~ 親子旅行

日期: 03 March 2016

第一次學校親子旅行，地點是錦田俱樂部+流浮山食海鮮午餐（很有屋村旅行的味道 @@），爸爸和媽咪我都請假參加，前一天我還買了熊仔餅和麵包作好準備。

要8點叫夜貓子小寶起床，真有點挑戰，還好他沒有扭計。先回學校再齊齊搭旅遊巴出發，車程上有導遊講解行程，老師帶領一齊唱歌仔，很快就到錦田。

是日天氣很好，風和日麗，先在大草地玩集體遊戲和影大合照。再去士多啤梨園剪士多啤梨，但小寶一落去見到蜜蜂就害怕起來，馬上走番上去，不肯再落去，相亦不太肯影。唯有跟他去另一邊空地玩，和其他同學仔吹Bubbles，玩了一會，就到旁邊的小食部休息一會，飲利賓納和食熊仔餅。

之後本來想叫小寶去餵羊羊和兔仔，但小寶卻要跳彈床，$25/10分鐘，ok啦，跳完都夠鐘坐車去流浮山午膳。

午餐在歡樂酒家，這種舊式酒樓只有圓櫈，都幾論盡，菜式有粟米湯、白灼蝦、雞、菜、京都骨，夾了些蒸魚、菜撈飯給小寶吃，都吃了一碗多，不過要餵，其間還問我拿電話，我就話其他同學仔都無玩電話，怎知被他看見後面「XXX都玩電話」@@@。

飯後就到隔離的商店街行行，行到尾就是海邊，望到對面的深圳。其間再拍拍照、看看海，海邊有個小洞，小寶指著出面的船話「船船唔可以去個到」，問他點解，他就答「因為船船要係個到」（雖然答案怪怪，不過好有進步）。

離開本來是搭旅遊巴返回學校再解散，但爸爸見酒家門口有巴士出元朗，就提議搭巴士還要方便，在天水圍站落車轉西鐵（其實應該搭到元朗，那就可以行行街，天水圍站什麼也沒有），有得搭港鐵，小寶都很興奮。

就這樣就完全了第一次的親子旅行。

Satruday Kitchen ~ 炸醬麵

日期: 27 February 2016

忽然好想食上海麵，於是就想到整「炸醬麵」，20分鐘就煮好，簡單快捷。

小寶 ~ 36-37 months

經常唱「e、woo、ah，e、woo、ah，e、woo、ah」

會講「Oh my god」或是「Oh my goodness」

鐘意問「幾時買呢個?」「係邊到買呢個?」

日期: 19 January 2016

• 拿著帳篷一邊行一邊說「excuse me」

日期: 21 January 2016

• 飲奶奶時間：「奶奶係邊到?」又忽然喜歡將櫈放在走廊不同位置坐底飲奶：「坐邊到?」
• 飲完奶奶，馬上叫爸爸：「即刻換衫」。爸爸問他衫在哪裡，答「係櫈櫈度」

日期: 23 January 2016

• 學了「搞惦食碗麵」

日期: 25 January 2016

• 「Toy Story袋係爺爺嫲嫲度」（雖然不知道他指的是什麼袋）
• 「黑媽媽」
• 「曲奇餅，好食」

日期: 26 January 2016

• 從whatsapp group得知近來學校在教摺衫，於是待換好衫後就叫他來摺，都摺得蠻像樣

日期: 31 January 2016

• 開始會說「No」

日期: 01 February 2016

• 到了換睡衣時間，爸爸還未回家：「今日無爸爸換衫」
• 「Buzz Lightyear 腳腳點坐?」
• 一邊做動作，一邊講「平時Woody hi 5」
• 播完肥媽：「睇埋呢個就係瞓覺」
• 「呢個係（我的英文名）電話」
• 「我媽媽」
• 拉不到拉鏈：「好難」
• 指著衫上的名：「（他的中文名）」已認得他的中文名

日期: 02 February 2016

• 「唔係咁樣，咁樣係祈禱，咁樣係恭喜恭喜」（一邊做祈禱、恭喜的不同手勢）

日期: 03 February 2016

• 買了新眼鏡戴著回家，小寶指著我的新眼鏡：「點解眼鏡」，問他眼鏡相同定唔相同，答「唔相同」

日期: 07 February  2016

• 爸爸叫他，反答：「頭先講左」
• 「而家無月亮，有太陽」
• 指著表妹：「佢無著鞋」

日期: 10 February 2016

• 在嫲嫲家玩玩具，對我講「唔玩麵包超人」，然後自己收拾好，再拿第二份玩具
• 再一次唔玩玩具，就叫「媽咪，執野」（真聰明 @@）
• 在我的褸袋找到鎖匙包，又再找：「仲有咩先」「然後跟住收埋佢」

日期: 14 February 2016

• 小寶想玩一個玩具，但我找不到，問他知不知道在哪裡，他就答「係房房」［房房邊到?］「係背襄」［咩色?］「黑色背襄」（答案是正確，真的找到玩具）

日期: 15 February 2016

• 「落去搵Abby妹妹」
• 帶了小寶到爸爸公司拜年。回到家後，婆婆姨姨問他［今日去左邊?］答「爸爸公司」「見到爺爺姑姐Abby爸爸媽咪小寶」
• 家姐在看蠟筆小新，小寶亦在一旁看，忽然卻很驚，更喊起來，原來他驚入面的一個白色人。
• 指著電視播緊的公公出官：「傻傻地」「佢地好嘈」
• 自己唸：「小狗小狗汪汪叫，小豬小豬快快跑，XXXX排第一」問他［係咪謝姑娘教架?］答「唔係謝姑娘，係老師」

日期: 17 February 2016

• 在婆婆家跟我要：「Mickey盒盒」再進一步形容：「係飯飯枱」「係seven」［入面有咩?］「有瑞士糖」
• 見到書上的朱古力：「唔可以食朱古力」［點解呀?］「因為咳」

[36-37 months] 小寶正餐

在我家開始有自己一套食飯模式：

蒸水蛋：超級鐘意，一定會自己全部畢晒食

通粉：肯自己畢一半，但只畢通粉，完全唔肯畢餸

飯：完全唔肯自己畢，要餵，但飯餸都肯食

日期: 23 January 2016

南瓜牛肉炊飯、蒸菜芯、水蛋

偶然在網上見到這個「南瓜牛肉炊飯」的食譜，就試試煮給小寶吃。第一次用一小粒蒜蓉起鑊，炒香牛肉、南瓜，加少許豉油、糖調味，再加水、米拌勻，然後全鍋倒入LC湯盅蒸熟。

媽咪我覺得好好味，但小寶見到是飯飯就已經完全唔肯自己畢，只有水蛋是自己畢食晒。

日期: 24 January 2016

香煎豆腐肉碎薯餅 配蜆殼粉、菜芯、水蛋

繼續自己食完蛋蛋，發現他拿匙的姿勢又進步了，可惜只肯畢通粉，完全不肯畢餸，甚至見到粉粉入面有菜亦不肯畢，要餵。

日期: 30 January 2016

茄汁紅菜頭三文魚天使麵 配蒸水蛋、油麥菜

紅菜頭先蒸熟，三文魚煎香，用蒜蓉起鑊，加入紅菜頭、三文魚，再加茄汁、糖、鹽調味。

晚餐改為通粉，因為大家都在打邊爐，於是叫他坐上highchair，但竟然差不多全餐都是自己食，雖然吃了個多小時。

日期: 06 February 2016

肉醬紫椰菜Pooh Pooh通粉 配蒸水蛋

材料有番茄、紅蘿蔔、肉碎，加茄汁、糖、豉油調味。

日期: 07 February 2016

番茄紫椰菜三文魚 配蝴蝶粉、蒸水蛋

日期: 08 February 2016 [年初一] 

紫椰菜紅蘿蔔三文魚炒飯

久違了的飯飯 (其實星期1-5婆婆都是煮飯，只是我近兩個月都是煮通粉/麵)，因為小寶未起身，還未知行程如何，於是炒飯就最易控制。

日期: 09 February 2016 [年初二] 

番茄紅蘿蔔肉碎菜芯炒飯

日期: 10 February 2016 [年初三] 

紅蘿蔔肉碎菜芯烏冬麵

日期: 13-14 February 2016

金菜頭西蘭花三文魚炒飯

忙於焗曲奇蛋糕，炒飯就最簡單。

放題 with 恩媽 @ 三木日本料理

地址: 尖沙咀加拿分道25-31號國際商業信貸銀行大廈15 樓 (河內道入口)

和恩媽食「開年飯」（又搵借口去豪食 XD），大家都想食放題，剛好半日安，那就可以6點開始食，而地點亦由銅鑼灣改為尖沙咀，選了這間「三木」。

第二次食日式放題，這間比滿屋較闊落，而且獲安排坐4人枱，可能因為未滿座，如果滿座不知會否仍有4人枱坐。

三木主打海膽，我初時怕會有腥味，但沒有，恩媽亦很欣賞。其次最喜歡串燒，尤其燒冬菇。鍋物就普通啦。

但飲品就不及滿屋，只有幾款康師傅紙包飲品，但雪糕就任點，都不錯。

早開飯真好，食完都只是8點多，見時間尚早，就去了Logon逛逛試試袋，行了一個鐘，真開心。