[3Y 9.5M] OSaKa [Day 1 ~ 大阪瑞士南海飯店 Swissotel Nankai Osaka Hotel]

日期: 03 November 2016
地址: 大阪市中央区難波5-1-60
網址: http://www.swissotel-osaka.co.jp/

原本看中的是在心齋橋的 大阪日航酒店，再做做research，發現難波的 Swissotel 更好，因為關西機場離市區遠，要搭南海電鐵，而Swissotel 就在南海難波站上蓋，由月台轉兩次電梯就到Lobby，那爸爸拖篋就不會太辛苦（在月台更設有免費電話可以叫服務員前來幫忙搬行李），而樓下就是 なんば (難波) City、高島屋，啱晒媽媽我偷時間shopping 😈😈。

其實剛住過新加坡那間頗殘舊，都有些concern，但見網上評價好，加上地理位置極佳，於是去馬。事前已send email request 加兩邊床欄和較高樓層，結果今次住29/F，窗外一望無際的大阪景色，正 😎。

今次訂的Swiss Advantage Room 剛翻新，房間比想像中細，但時尚新淨，有長書枱、長梳化、茶几（食消夜都不愁沒位置），又有Nespresso 咖啡機，每天送4個capsules（當然全數帶回家）。洗手間整潔企理，馬桶還會自動沖廁（但缺點是有時小寶動作較慢，未完全企起身就已經開始出水沖廁，嚇得我要馬上抱他走）。另外在網上見酒店會為小朋友準備洗澡海綿、卡通牙刷、拖鞋，但我們卻全部都無。

最後覺得今次選擇絕對正確（除了貴），難波比心齋橋和梅田好住，除了交通便利（後來更發現行幾分鐘就到地下鐵御堂筋線），樓下的店舖有我喜歡的品牌，又大多開10am，雖然晚上收9pm，但附近的道頓堀、千日前卻依然熱鬧，我們就在這裡消磨了兩個晚上。