賀龍年 ~ 曲奇5重奏

日期: 23 January 2012

第3年自家製賀年曲奇, 花多左時間係造型上, 整細左, 變成一口曲奇...

KO左4罐牛油, Total 整左5款, 清一色切片... 整體上係最滿意既一次, 無論係味道定係造型...  
焗多左, 順便用來宴客, 朋友們都大讚... 

1. 牛油紅莓曲奇 第1次落紅莓, 又加左杏仁粉同少少奶粉, 比過往整開既好味, 以後應該會轉用呢個食譜... 第1次整圓形, 不過不失...

2. 朱古力杏仁曲奇 因為朱古力粒切得唔靚, 於是改用杏仁片, 唔錯, 不過食譜依舊, 但係唔知點解有d苦...

3. 抹茶北海道牛奶曲奇 又係新嘗試, 揀整抹茶係因為就算食唔出, 起碼都分得出邊塊係... 結果食出有抹茶既香, 不過差少少奶香, 可以再改良... 有左第1次經驗, 呢次碌得比較圓...

4. 黑糖腰果曲奇 聖誕節時淨低1包黑糖, 理所當然用埋佢, 無意中發現既食譜, 不過黑糖味都唔係好出... 但係加重份量又怕太甜, 究竟點先可以帶出黑糖味又唔會甜?!?!

5. 黑糖燕麥腰果曲奇 1包黑糖唔夠整兩款, 於是用左1半份量黃糖同少少糖漿代替, 腰果只係略為打碎, 加入燕麥, 反而比之前整既同淨黑糖都更為美味...

另外聖誕大製作連粉篩都報銷左, 千揀萬揀終於買左個電動既... 不過有利有弊, 利既係不費吹灰之力就可以篩好500g麵粉, 不過就唔可以篩有色粉(如朱古力粉), 因為非常難清潔... 同埋篩得唔夠幼細, 唔太適合整蛋糕, 不過整曲奇大製作就一流, 唔使篩到手都痛...