[3Y 5.5M] Singapore [Day 1 ~ 出發]

日期: 29 June 2016

起飛時間是下午2:30，為了慳假，我和姨媽只請了1.5天假，上午返工再馬上趕去機場會合，爸爸就負責帶其他人去機場。去到機場原來還有時間在 翡翠拉麵小籠包 吃個快飯才上機。

今次坐大機，終於可以和爸爸3個一齊坐，家姐婆婆姨甥女就坐前面，辛苦公公自己坐啦。一上到飛機，小寶已經急不及待說：「搭飛機可以食糖糖」@@。電視節目跟去福岡時的完全一樣，又看多次 消失的愛人 和 紀念日。兒童餐是 青豆茄汁螺絲粉 和 朱古力椰青汁，小寶只吃了少許螺絲粉和椰青水。大人餐亦不好吃。之後兩個小朋友玩玩貼紙，看看電視，差不多4小時後，終於抵達新加坡樟宜機場。

一落機先去買上網電話咭，setting都幾複雜，一搞就半個鐘，而且用落都幾慢，whatsapp電話經常打不到，比在日本用的差。搞妥咭後，就馬上過海關去食晚餐，因為訂了8:30pm的車去 LEGOLAND。