離開了Q's Mall，終於找到 Seria，都幾隔涉，又血拼了一堆就離開天王寺，搭地鐵去心齋橋。一出閘口意外地見到一直遇不到的 DOUTOR，心掛了兩天，亦不理會已經7點，馬上來杯Uji Green Tea Latte，爸爸要大杯，但大杯明顯比中杯淺色，即是不夠濃，另外怕小寶肚餓買了件Waffle給他。
日本地鐵實在太迷宮啦，單是一個心齋橋站，每次由月台上出閘處都在不同位置，而這次出口是在Tokyu Hands那邊（寫blog時找資料，才知道這裡叫 長堀地下街），更發現這邊有 和幸，下次可來吃完再行心齋橋。
又一次逛 心齋橋，又有少少收穫。行到 Glico燈牌 ，小寶終於肯自拍影全家幅，但十分整古做怪 😂。
然後又行到 道頓堀，順道買埋手信，就開始找餐廳食晚飯啦。
名稱: 揚げたて天ぷら定食 まきの
地址: 大阪市中央区難波3-3-4 難波日大ビル 1F
一直行下行下，行到 千日前 附近，爸爸發現了這間天婦羅小店，點了三份定食（但份量太多啦），每份都只是大約 ¥1000，加上全是現炸，認真價廉物美，但怕小寶熱氣，唯有狂加麵豉湯和醬汁撈飯 😅。
食飽飽，行過藥妝店，仍然營業，原來開到零晨12點，真勤力，又順便買買東西。
之後爸爸就先帶小寶回酒店，我就再去便利店，因為前一天中午已發現有 Häagen-Dazs 期間限定雪糕，但太夜回到酒店沒有再出去買，這晚不能再錯過。去了幾間才買到3款口味，分別有 Coffee Vanilla（最想食反而都唔好食，咖啡味太苦）、Pumpkin、Maple Custard Cookie（以為唔好食，反而幾好味，小寶很喜歡）。
No comments:
Post a Comment