「拋夫棄子😜」首爾閨蜜快閃3️⃣日遊

日期: 24-26 December 2019

閨蜜Miss Yau是韓國通，跟她食飯時說起韓國很吸引，她就提議可以跟著她快閃3日Shopping，當真是個不錯的提議，橫掂小寶已經大個，又唔痴身 😂。而韓國是一直有興趣去但又無從入手去plan的一個國家，加上爸爸不太喜歡韓國，現有在地膽帶路安排就最好不過😁。

這次旅行創造了多個第一次: 

• 第一次拋夫棄子3️⃣日
• 第一次搭飛機去旅行只去3️⃣日
• 第一次搭廉航 ✈️
• 第一次住Airbnb 🏠

Miss Yau會去9日，但夾不到日子一同出發/回來，左夾右夾，最終訂了24-26/12，左計右計，最終扑鎚 濟洲航空✈️，零晨機去晚機返，玩足3日，yeah!!! 

聖誕時韓國正值寒冬❄️，只有大約-5c至4c，要準備足夠的保暖衣物，問恩媽借了superwarm內衣和North Face的fleece褸，問姨媽借了羽絨和冷帽，再在Uniqlo買了保暖長褲。最後天氣其實幾好，唔算太凍，加上行程主打是商店有暖氣，除了第一日有著fleece褸，之後只著羽絨都夠。

遊記應該會很易寫，因為3日來純粹跟著地膽周圍買和食，完全不需用腦😆，只需獻出金錢和胃就可以了，對餐廳和地方亦沒有什麼idea 😂。可惜去之前病了😷，更失聲 😩，睇了兩次醫生後，到首爾時總算開番聲，但都算有少少影響精神和胃口。

去韓國主力當然是買衫，但正值寒冬，大多是超厚身，幸好最後都揀到一些比較薄的 😆。另一shopping熱點就是Daiso，但原來跟日本的¥100店又有些分別，主打卡通精品，超正。因為怕行李箱沒有位置和重量，所來沒有買太多食物，只買了兩盒waffle餅給小寶。回程行李買了20kg，去時有9.5kg，最後走時剛好20.6kg，再加3.4kg手提（未計出境後拿的樂天免稅品），神算一樣 😆。